21-3-2012

கண்களின் ஓரம்
வழியும் கண்ணீரை
துடைக்க மனமின்றி
உறங்கி போகிறேன் மெதுவாக...
இன்னும் ஒரு
கொடிய நாளின்
ஆரம்பத்திற்காக.
   

17-12-2011

நீ எங்கே இருக்கிறாய்
என்று தேடியதை தவிர்த்து
இப்பொழுதெல்லாம்
என்னை சுற்றி தான்
எங்கோ இருக்கிறாய் என்று
தேடும் கண்களை கொண்டுவிட்டேன்...

14-dec-2011

இழந்தவை நிஜமல்ல
பெற்றவையே நிரந்தரம்...
இழந்தவற்றை மறந்து,
கிடைத்தவற்றை
மகிழ்ச்சியோடு ஏற்றுகொள்வோமே...

07-10-2011 11:22pm

என்னை சுற்றி

காதல் உணர்வுகளும்,

அதனால் உண்டாகும் 

உற்சாகமும் சூழ்ந்துள்ளது;

என்னுள்ளும் அது 

ஏக்கம் என்னும் 

உணர்வை விதைத்துள்ளது;

சிறுதுளி நீராக 

உன் பார்வை விழும் என 

காத்துக்கொண்டிருக்கிறேன்;

நீ மழையாக வந்தாலும் 

மகிழ்ச்சியே!!!!  

02/10/2011

நீ வருவாய் என்று காத்திருக்கிறேன்;

உன் வருகைக்கான உத்திரவாதம் 

ஏதும் இல்லை..

ஆனாலும் காத்திருக்கிறேன்;

என்றாவது வருவாய் என்ற 

சிறு நம்பிக்கையுடன்...

02-10-2011 11:46

நான்கு சுவரும்,

ஒரு தொலைக்காட்சியும் ,

சில உணவு பொருட்களும் ,

வெறுமையும் ,

என்றும் பெற்றோரின் வருகைக்காக 

ஏங்கும் சிறு ஜீவனும் 

பல வீடுகளின் இன்றைய நிலையை 

பறைசாற்றுகின்றன...

02-10-2011

மூடு  பனியில்  நடந்துகொண்டே 

என்  வழிக்கான  பாதை  தேடுகிறேன் ;

வண்ண  மலர்களால்  நிரப்பாவிடினும் , உன் 

காத்திருப்பிற்கு  ஒரு  அறிவிப்பு  பலகையாவது 

வைத்துவிடு …              

தேடிக்கொண்டே  இருக்கிறேன்  இன்னும் 

உன்  காத்திருப்பு  பாதை 

எது  என்று  தெரியாமல் …