15-08-2011

கொடுமையான தண்டனை என்பது

மௌனம் மட்டும் அல்ல;

உடன் வாழும்

சக மனுஷியை புரிந்துகொள்ள

எடுக்கப்படாத

சிறு முயற்சியும் கூடத்தான்...

15-8-2011

பூக்களின் வண்ணக் கலவையாக

முகம் மலர,

ஆடிப்பாடி ஆனந்த சுதந்திரத்தை

அடைந்து விட்ட களிப்பில்

எல்லா மனங்களும் ஒன்று பட்டு

இன்று கொண்டாடுகிறோம்-நம்

சுதந்திரப் பொன் நாள்;

இதை பெற்று தந்தவர்களின்

இனிய நினைவோடு...

15-8-2011

இதை செய்யாதே,

அதை செய்யாதே,

அங்கு போகாதே,

அளவோடு பழகு,

உரக்க பேசாதே

போன்ற கட்டுபாடுகள்

இன்றும் இருக்கின்றன;

ஆண் பிள்ளை என்றும்

பெண் பிள்ளை என்றும்

வேற்றுமைகள் இன்றும்

மறையாமல் இருக்கின்றன...

நாடு முன்னேற்ற பாதையில்

நகரும் போதும்

வறுமையும், கொள்ளைகளும்,

பாதுகாப்பின்மையும்,சில கட்டுப்பாடுகளும்

இன்னும் இருக்கின்றன

நம் மண்ணில்...

ஆனாலும் கொண்டாடுகிறோம்

நம் நாடு "சுதந்திர நாடு" என்று...

பெற்றவைகள் சில,  ஆனாலும் 

இழந்தவைகள்  இன்னும்

பெற  முடியாதவைகளாகவே

இன்றும் இருக்கின்றன...

3-5-2011

மழையின் சப்தம்

இனிய தாலாட்டாக

ஒலிக்கிறது...

அன்னையின் ஞாபகத்துடன்

உறங்கிபோகிறேன் மெதுவாக...

4-08-2011

என் பயணங்களில்

தொடரும் என் தனிமையை தவிர

அனைத்தும் சுகம் தான்;

புது சூழல், சில மனிதர்கள்,

நிறைய இயற்க்கை...

4-8-2011

என்னுள் ஏன் இந்த மாற்றம்?

எப்படி, எப்போது நிகழ்ந்தது?

என்ற கேள்விக்கு இன்றுவரை

விடை கிடைக்கவில்லை...

4-8-2011

உன்னை நினைத்து

உருகிக்கொண்டிருக்கும்  போதே

உன்னை நினைக்க கூடாத

காரணங்களும் உடனே

மனதில் வந்து நிற்கிறது!!